EKSPERTIZA TADQIQOTI UCHUN NAMUNALAR OLISH TERGOV HARAKATI SIFATIDA: NAZARIY VA AMALIY MASALALAR
Kalit so‘zlar:
jinoyat protsessi, tergov, jinoyat ishi yurituvi, majburlov, namunalar, ekspert tekshiruvi, ekspertiza, ekspert, tergov harakati, sud amaliyoti, majburiy olib qoʻyish, dalillarAnnotatsiya
Maqola jinoyat protsessida tergov harakatlaridan biri sifatida ekspert tekshiruvi uchun namunalar olish jarayonini oʻrganishga bagʻishlangan. Unda Oʻzbekiston Respublikasi Jinoyat-protsessual kodeksidagi ushbu tartibni normativ tartibga solishning nazariy va amaliy jihatlari koʻrib chiqiladi, shuningdek, huquqni qoʻllash amaliyotini qiyinlashtiradigan mavjud huquqiy boʻshliqlar aniqlanadi. Namunalar olinishi mumkin boʻlgan shaxslar doirasi, ularni majburan olib qoʻyish imkoniyatlari, shuningdek, mazkur protsessual tartib-taomilni boshqa tergov harakatlari doirasida oʻtkazish bilan bogʻliq masalalar tahlil qilinadi. Mualliflar xorijiy mamlakatlar qonunchiligi, jumladan, Inson huquqlari boʻyicha Yevropa sudining huquqni qoʻllash amaliyotini qiyosiy-huquqiy tahlil qilishga alohida eʼtibor qaratmoqda. Maqolada mahalliy va xorijiy tadqiqotchilarning ilmiy yondashuvlari keltirilgan boʻlib, bu mavzu boʻyicha ilmiy munozaralarni rivojlantirishga xizmat qiladi. Mualliflar qonunchilikni mustahkamlash va jinoyat protsessi ishtirokchilarining huquqlarini himoya qilishga qaratilgan normativ-huquqiy bazani hamda protsessual tartibga solishni takomillashtirish yoʻllarini taklif etadilar.
