ИШНИ СУДГА ҚАДАР ЮРИТИШДА ҲИМОЯ ФУНКЦИЯСИНИНГ ПРОЦЕССУАЛ ТАБИАТИ
Kalit so‘zlar:
жиноят-процессуал функция, ҳимоя функцияси, ҳимоя функциясининг амал қилиши, ҳимоя ҳуқуқи.Annotatsiya
Ушбу мақолада жиноят-процессуал функциялардан бири бўлган ҳимоя функция-
сининг моҳияти, унинг жиноят процесси фаолият йўналиши сифатидаги аҳамияти, мазкур функциянинг амал қилиши натижасида келиб чиқадиган ҳимоя ҳуқуқи тушунчаси очиб берилган. Ҳимоя функциясининг аҳамияти ҳамда ҳимоя ҳуқуқи моҳиятини белгилаш юзасидан маҳаллий ва хорижий процессуалист олимларнинг илмий-назарий фикрлари билан мунозарага киришилган, бу борадаги хорижий давлатлар қонунчилиги ўрганилган ва чуқур таҳлил қилинган. Жиноят-процессуал қонунчилигимизда ҳимоя ҳуқуқи тушунчаси мазмунини очиб берувчи норма мавжуд эмас. Шу сабабли ҳимоячи фаолияти давомида юзага келадиган тушунмовчиликларнинг олдини олиш учун ҳимоя ҳуқуқи тушунчаси моҳиятини қонунчиликда акс эттириш мақолани ёзишдан кўзланган асосий мақсадлардан биридир. Бажарилган таҳлиллар натижасида ҳимоя ҳуқуқига нисбатан муаллифлик таърифи ишлаб чиқилган, ҳимоя функциясининг амал қилиш босқичларини классификациялаш юзасидан илмий асослантирилган таклифлар берилган, Ўзбекистон Республикаси Жиноят-процессуал кодексига ҳимоя ҳуқуқи тушунчасини киритиш ва кодекснинг 24-моддасини янги таҳрирда баён этиш таклиф этилган. Мақолани ёзиш давомида қиёсий-ҳуқуқий, мантиқий (анализ ва синтез), илмий билиш манбаларини комплекс тадқиқ этиш усулларидан кенг фойдаланилган.
