ЧЕТ ЭЛ ҲУҚУҚИ НОРМАЛАРИ ҲАМДА ЧЕТ ЭЛ ҲУҚУҚИГА ҲАВОЛА ЭТИШ ТУШУНЧАСИ ВА МОҲИЯТИ
Kalit so‘zlar:
чет эл ҳуқуқи, чет эл ҳуқуқига ҳавола, коллизия, коллизион норма, ҳуқуқни қўллаш.Annotatsiya
Халқаро хусусий-ҳуқуқий муносабатларнинг тартибга солинишида, жумладан, маълум низоли ҳолатлар юзага келганда, чет эл ҳуқуқи нормаларини қўллаш ҳамда чет эл ҳуқуқига ҳавола этиш масаласи тўғри кўриб чиқилиши ҳамда татбиқ этилиши муҳимдир. Бу бевосита низонинг тўғри, самарали ва адолатли ҳал этилишига асос бўлади. Шунинг учун, биринчи навбатда, ҳуқуқни қўлловчи органлар, айниқса, судьялар томонидан чет эл ҳуқуқи нормалари ҳамда чет эл ҳуқуқига ҳавола этиш тушунчаси ва моҳиятини тушуниш ва англаб олиш алоҳида долзарблик касб этади. Шунга асосан, мазкур мақолада чет эл ҳуқуқи нормалари ҳамда чет эл ҳуқуқига ҳавола этиш масалалари моддий-ҳуқуқий ҳамда коллизион-ҳуқуқий тартибга солишга боғланган ҳолда тадқиқ қилинган. Жумладан, тадқиқот доирасида одил судловни таъминлаш, чет эл фуқаролари ҳуқуқлари ва қонуний манфаатлари тўлақонли ҳимоя қилиниши учун чет эл ҳуқуқи судлар томонидан тўғри ва асосли қўлланилиши, бунда чет эл ҳуқуқига ҳавола этишни коллизион-ҳуқуқий тартибга солиш усули орқали амалга оширилиши муҳим аҳамият касб этиши кўрсатилган. Муаллиф томонидан чет эл ҳуқуқининг чет эл элементи билан мураккаблашган муносабатга нисбатан қўлланилиши ушбу муносабатни унинг ривожланиши кўпроқ табиий тарзда амалга ошириладиган яқин ижтимоий ва маданий муҳитга бирлаштириш имконини бериши тўғрисида хулоса қилинган.
