МАЪМУРИЙ СУД ИШ ЮРИТУВИ ТУШУНЧАСИ ВА МАЗМУНИ ИЛМИЙ-НАЗАРИЙ ТАҲЛИЛИ
Kalit so‘zlar:
маъмурий суд иш юритуви, маъмурий юстиция, оммавий-ҳуқуқий муносабатлар, маъмурий-ҳуқуқий низолар, суд ҳокимияти, маъмурий судлар.Annotatsiya
Ушбу мақолада маъмурий суд иш юритувининг тушунчаси ва мазмуни мазкур ҳуқуқий институтнинг келиб чиқиш тарихи ҳамда ҳуқуқшунос олимларнинг бу борадаги қарашлари асосида илмий-назарий таҳлил қилинган ҳамда тизимлаштирилган. Жумладан, маъмурий суд иш юритуви тушунчаси дастлаб Франция, кейинчалик эса Германия, Швейцария, Италия ҳамда Америка Қўшма Штатлари қонунчилигида ишлатилганлиги кўрсатиб ўтилган. Шунингдек, маъмурий суд иш юритуви ҳуқуқшунос олимлар томонидан уч хил мазмунда тушунилиши баён этилган. Олимларнинг бир гуруҳи маъмурий суд иш юритуви деганда шахсни содир этган маъмурий ҳуқуқбузарликлари учун суд тартибида маъмурий жавобгарликка тортишни тушунган бўлса, уларнинг қолган бир қисми судлар томонидан оммавий-ҳуқуқий муносабатлардан келиб чиқадиган низоларнинг ҳал этилишини, яъни фуқаролар ва юридик шахсларнинг давлат органлари ва мансабдор шахсларнинг ҳаракатлари (ҳаракатсизлиги) ва қарорлари устидан берган шикоятларининг кўрилиши ва ҳал этилишини тушунган. Учинчи гуруҳ олимлар эса “маъмурий суд иш юритуви” деганда суднинг икки хил фаолиятини, яъни суд томонидан оммавий-ҳуқуқий муносабатлардан келиб чиқадиган низоларнинг ҳал этилишини ҳамда унинг маъмурий ҳуқуқбузарликлар тўғрисидаги ишларни кўришдаги иштирокини тушунган. Келтирилган таҳлиллар асосида маъмурий суд иш юритувининг тушунчасига муаллифлик таърифи берилган.
