ДАСТЛАБКИ ТЕРГОВДА АХБОРОТ-КОММУНИКАЦИЯ ТЕХНОЛОГИЯЛАРИНИ ҚЎЛЛАШНИНГ ПРОЦЕССУАЛ-ҲУҚУҚИЙ АСОСЛАРИ
Kalit so‘zlar:
электрон жиноят иши, ахборот технологиялари, жиноят процесси, алгоритм, электрон далил.Annotatsiya
Мақолада дастлабки терговда АКТ қўллашнинг процессуал-ҳуқуқий асослари муаллифлик нуқтаи назаридан кўриб чиқилади. Қайд этилишича, жамиятдаги умумий рақамлаштиришни ҳисобга олган ҳолда, келажакда жиноий иш юритиш жиддий ўзгаришларга дуч келади. Бунга, хусусан электрон ҳужжат айланиши, тергов ва суд ҳаракатларини масофавий ўтказиш шакллари, процессуал қарорларни қабул қилишда алгоритмлар ва математик ҳисоб-китобларни қўллаш, робототехника воситаларини кенг жорий этиш кўмаклашади. Муаллифнинг фикрича, кўп жиҳатдан келажакдаги “электрон” одил судлови ахборот хавфсизлигини таъминлаш, фуқароларнинг қонуний ҳуқуқ ва эркинликларини, шунингдек, жамият ва давлат манфаатларини ҳимоя қилиш билан боғлиқ муаммоларни муваффақиятли ҳал этилишига боғлиқ бўлади.
