ЖИНОЯТ-ҲУҚУҚИЙ ПРИНЦИПЛАР: МОҲИЯТ, ТУШУНЧА ВА БЕЛГИЛАР
Kalit so‘zlar:
ҳуқуқ тизими, жиноят ҳуқуқи, принцип, ҳуқуқий принцип моҳияти, ҳуқуқий принцип белгилари.Annotatsiya
Жиноят-ҳуқуқий принциплар масаласи, унга жиноят ҳуқуқи фанида ҳар доим эътибор қаратилганлигига қарамасдан, энг баҳсли масалалардан бўлиб қолмоқда. Жиноят қонунчилигига ўзгартиришлар киритиш давом этмоқда. Шу муносабат билан жиноят қонунчилигини такомиллаштириш ва уни қўллаш жараёнида йўл-йўриқ кўрсатиши мумкин бўлган объектив хусусиятга эга аниқ кўрсатмаларнинг аҳамияти ҳар қачонгидан ҳам ортиб бормоқда. Бу вазифа эса азалдан жиноят-ҳуқуқий принципларга юклатилган. Шу билан бирга, жиноят-ҳуқуқий принциплар муаммоларига бағишланган ишларда асосий эътибор уларнинг маълум бир турларини тадқиқ қилиш билан чекланиб қолаётганлигини таъкидлаш жоиз. Ҳуқуқий принципларни ўрганиш методологиясига, уларнинг моҳиятини тадқиқ қилишга жиддий эътибор берилмаяпти. Шу сабабдан ушбу мақолада тадқиқот мақсади сифатида қуйидагилар белгилаб олинди: жиноят-ҳуқуқий принципларнинг моҳиятини очиб бериш ва ўзига хос белгиларини аниқлаш ҳамда жиноят-ҳуқуқий принципларнинг ҳуқуқ тизимидаги ўрнини белгилаш, уларнинг халқаро ҳуқуқ принциплари билан алоқасини ўрганиш. Илмий янгилик жиноят-ҳуқуқий принципларнинг ҳуқуқ тизимидаги ўрнини аниқлаш, жиноят ҳуқуқи принципининг моҳиятини ойдинлаштириш, унинг хусусиятларини белгилашга нисбатан муаллифлик ёндашувида ифодаланади.
