Ўзбекистон Республикасида туризмнинг ҳуқуқий ва институтционал тартибга солиниши: вужудга келиши ва ривожланиши
Kalit so‘zlar:
давр, мустақиллик, нормалар, ривожланиш, туризм, Ўзбекистон.Annotatsiya
Ўзбекистонда туризм жадал ривожланаётган даврда ушбу соҳанинг ҳуқуқий ва институционал асосларининг тарихий жиҳатларини ўрганиш долзарбдир. Зеро, мазкур соҳанинг мамлакатимизда тарихий тараққиётини таҳлил этган ҳолда унинг истиқболлари учун режалар тузиш мақсадга мувофиқдир. Шу боис, тадқиқот ишида мазкур тараққиёт даврийлаштирилган ҳолда келтирилади. Хусусан, мақолада бу тараққиёт уч даврга бўлинган ва уларнинг ҳар бирининг ҳуқуқий жиҳатлари таҳлил қилинган. Муаллиф ушбу уч даврнинг ўзига хос хусусиятлари ва муаммоли масалаларини таъкидлайди, шунингдек, уч давр учун қабул қилинган чоралар ҳамда статистиканинг қиёсий-ҳуқуқий таҳлилини амалга оширади. Тадқиқотда, шунингдек, туризмни тартибга солувчи халқаро-ҳуқуқий меъёрларга урғу берилиб, Ўзбекистонда туризмни халқаролаштириш тенденциялари кўрсатилади. Хулосада, Ўзбекистонда туризм соҳасининг ҳуқуқий ва ташкилий механизмини янада такомиллаштириш бўйича таклифлар илгари сурилади.
