MUQOBIL VASIYLIK TIZIMIDA VOYAGA YETMAGANLARNING HUQUQIY SUBYEKTLIGI

Annotatsiya

Maqola Oʻzbekiston Respublikasi qonunchiligidagi muqobil vasiylik tizimida voyaga yetmaganlar huquqiy subyektligining nazariy-huquqiy tahliliga bagʻishlangan. Muallif huquq layoqati, muomala layoqati  va delikt (javobgarlik) layoqatini oʻz ichiga olgan huquqiy subyektlikning tarkibi va mazmunini, shuningdek, qonuniy vakillarning roli, mulkiy huquqlar masalalari hamda xalqaro standartlar taʼsirini oʻrgangan. Tadqiqotning ilmiy yangiligi voyaga yetmaganlarning huquqiy subyektligini gibrid konstruktiv tuzilma sifatida konseptuallashtirishda, shuningdek, qonuniy vakillarning huquqiy maqomi  va  funksiyalari bilan bogʻliq ichki ziddiyatlarni aniqlashda namoyon boʻladi. Tahlil natijalariga koʻra bolaning eng ustuvor manfaatlarini taʼminlashga qaratilgan vasiylik institutini takomillashtirish boʻyicha takliflar ishlab chiqilgan.