ХУСУСИЙ БАНДЛИК АГЕНТЛИКЛАРИ МЕҲНАТ МИГРАЦИЯСИГА ҚАНДАЙ ТАЪСИР КЎРСАТАДИ? (ДОКТРИНАЛ ҚАРАШЛАР ВА ХАЛҚАРО АМАЛИЁТ)
Kalit so‘zlar:
хусусий бандлик агентлиги, миграция сиёсати, вақтинчалик бандлик агентлиги, ишга жойлаштириш, меҳнат шартномаси, меҳнат миграцияси.Annotatsiya
Мазкур мақолада демографик, экологик, жамиятдаги ижтимоий ва умумий ҳуқуқий ёндашувлар доирасида миграцияни тартибга солишда хусусий бандлик агентликлари фаолиятининг оқибатлари ва сабаблари ўрганилган. Сўнгги икки йил ичида Ўзбекистонда хусусий бандлик агентликлари фаолиятига рухсат берилиши уларнинг хорижга мигрантларни юбориш фаолияти етарлича ҳуқуқий ва иқтисодий ҳимояланмагани билан асосланади. Шу билан бирга, турли мутахассислар, малакали ишчилар ва шунчаки бошқа давлатларда ўз бахтини излаётган шахслар (ўз тақдирини яратувчилар) сиёсий ёки иқтисодий сабабларга кўра ўз ватанини тарк этишди. Улардан баъзилари вақтинча пул ишлаш, баъзилари эса янги жойда яшаш учун кетишмоқда. Бу шахслар бошқа жамиятда ўз ўрнини топишга ҳаракат қилишмоқда. Хусусий бандлик агентликлар фаолияти ва Ўзбекистондан эмиграциясининг сабаблари таҳлили шуни кўрсатадики, аниқ иқтисодий ва ҳуқуқий чора-тадбирлар кўриш орқалигина Ўзбекистон ўз фуқароларини одам савдоси ва алдовлардан ҳимоя қилиши мумкин. Мазкур муаммоларни ҳуқуқий тартибга солиш учун Ўзбекистоннинг миграция соҳасидаги қонунчилигини халқаро талабларга мослаштириш ҳамда хусусий бандлик агентликлари фаолияти шаффофлигини таъминлаш керак. Муаллиф ушбу масалаларнинг ҳуқуқий ечимини топишда асосий йўналиш ахборот технологиялари бўлиши зарур, деган қатъий позицияни илгари суради.
